كل جديد في عالم الستلايت ملف قنوات - سوفت وير

Truman TM-808 HD Mini سعر ومواصفات ريسيفر ترومان 808 اتش دي ميني

مراجعة جهاز ريسيفر ترومان ميني Truman TM-808 HD

النهارده معانا مراجعة ريسيفر ترومان 808 ميني المُنتج من شركة ترومان، هنناقش كل العيوب والمميزات والجودة الخاصة بالريسيفر ومواصفاته وكيفيه شراءه وتركيبه وتصليحه.

مميزات ريسيفر ترومان 808 ميني

من أهم مميزات الجهاز العصرية واللي ما ينفعش نستغنى عنها حاليًا إن الجهاز بيدعم توصيل كابل الإتش دي وبه مخرج لهذا الكابل، بمعنى إن إحنا هنعرف نتفرج ونسمع بأعلى دقة ممكنة وأقصي تجسيم ممكن لجميع القنوات العالمية والعربية، ودي حاجة لازم نستمتع بيها خاصةً مع وجود الشاشات الحديثة اللي ألغت فكرة الـ ٣ كابلات الأخرى المعروفة مسبقًا بالأحمر والأبيض المختصين بالصوت والأصفر المختص بالصورة.ميزة أخرى من مميزات العصر الحديث هي أن الريسيفر ينفع يتركب له أنتنه واي فاي علشان لو حبينا نستخدم خاصيه الأيبي تي في اللي بتخلينا نتفرج علي قنوات كتير بدون ريسيفر عن طريق الاشتراك في سيرفرات مدفوعة ومرفوعة عن طريق الشبكات اللاسلكية على النت، وكمان أغلب القنوات دي علي الأيبي تي في بتبقي مشفرة وبنعرف نتفرج عليها بس من خلال النت وقابلية الجهاز لاستخدام النت وطبعًا الجهاز ده بيقبل توصيل الإنترنت، فهنعرف نشغلها بس نشترك في الخاصية دي من عند أي موزع ليها، وكمان هنعرف نستخدم مميزات كتير بالنت زى مثلًا اليوتيوب اللي هنعرف ندخل عليه بكل سهولة من خلال الريسفير علشان الريسيفر بيبقى متركب عليه بعض البرامج اللي نعرف نستخدمها ونستفيد منها من خلال الإنترنت.كمان لو معندكش «أنتينّا» واي فاي يو إس بي أو غالية عليك ممكن توصله عن طريق مخرج اللان المباشر في الجهاز على طول بالسلك وتستفيد من الخواص اللي قولنا عليها دي كلها.إمكانية تسجيل حلقة أو فيلم أو برنامج على فلاشة خارجية ممكن نوصلها في الجهاز من خلال مخرج اليو إس بي وممكن نعرض فيديوهات أو صور أو أي حاجة إحنا مسجلينها على الفلاشة على شاشة التليفزيون عن طريق الريسيفر.في ميزة مهمة جدًا للريسيفر إنه في حماية عند مخرج توصيل الاشارة اللي بنحط فيها سلك الطبق، يعني لو فيها كهرباء منخفضة بيتم فصل الجهاز تلقائيًا علشان الجهاز لو ما فصلش ممكن تتحرق بوردة الجهاز مع التكرار.


عيوب ريسيفر ترومان 808 ميني

  • الجهاز جسمه مصنوع من البلاستيك يعني مش هيستحمل لو وقع علي الارض مثلًا أو إن إحنا نحط حاجة عليه؛ بمعنى أصح مش عملي.
  • السوفت وير الخاص بالجهاز يحتاج إنه يتغير من وقت للتاني علشان الجهاز مع مرور الوقت بيتقل إلى حد ما.

تركيب ريسيفر ترومان 808 ميني

  • تركيب الريسيفر سهل جدًا وبسيط ومعروف عند الكل أما عن تركيب القمر والأطباق فبيكون من خلال الفني المختص وساعتها تظبيط البرمجة بيكون من خلاله.
  • ضمانه عام ضد عيوب الصناعة من الوكيل، ملحوظة الجهاز بييجي متبرمج جاهز.

مواصفات ريسيفر ترومان 808 ميني

·         جهاز ريسيفر مينى صغير الحجم لإستقبال القنوات الفضائية بتقنية ال  HD .

·         الدعم الكامل للصوره فائقة الجوده .

·         زود بمدخل لل USB .

·         مكانية العرض والتسجيل عن طريق اليو اس بى .

·         تسجيل قناه ومشاهدة قناه اخره فى نفس الوقت .

·         البحث الاتوماتيكى للترددات والاقمار .

·         قائمه متعددة اللغات منها اللغة العربية .

·         قائمه سهلة الاستخدام .

·         حمايه اوتوماتيكيه ضد التيار المنخفض لمدخل الاشاره .

·         عرض دليل القنوت الالكترونى باللغه العربيه  .

·         مدخل  LAN لتوصيل كابل الانترنت .

·         يقبل توصيل قطعة واى فاى خارجة ( تباع منفصلة ولا تاتى مع الجهاز ) فى حالة ان تريد توصيل الجهاز بالواى فاى داخل المنزل

سعر ريسيفر ترومان 808 ميني

كان سعر الجهاز قبل ارتفاع الاسعار 660 جنية مصري ويبلغ سعرريسيفر Truman TM-808 HD الان 800 جنية مصري

 

اترك رد

لن يتم نشر عنوان بريدك الإلكتروني.

This website uses cookies to improve your experience. We'll assume you're ok with this, but you can opt-out if you wish. Accept